Aurelio Rei

El Rei Aurelio yera fíu de Fruela de Cantabria, sobrín del rei Alfonso I y hermanu de Bermudo I, foi rei d'Asturies ente los años 768 y 774.

Foi escoyíu pola nobleza asturiana p'asoceder al so primu hermanu Fruela I, quien fuera asesináu nuna revuelta palaciega. L'únicu fechu que narren les cróniques del so reináu ye la noticia de los primeros movimientos sociales de contestación antiseñorial de la Edá Media peninsular. Los siervos llevantáronse contra los sos señores, pero fueron sometíos por Aurelio. La localización d'esta rebelión nun se conoz, pero sí ta claru que debió de tener gran importancia.

Morrió por enfermedá, nel añu 774, dempués de reinar siete años. El so sepulcru atópase na Ilesia de Samartín, nel conceyu qu'entós formaba parte de Llangréu . Les cróniques de la dómina nun menten que'l rei Aurelio tuviera muyer o fíos. Sucediólu el rei Silo, quien taba casáu con Adosinda, fía del rei Alfonso I d'Asturies.

De los retratos d'al llau, ¿cuál ye'l Rei Aurelio?