El Tesoru del Rei Aurelio
Presentámoste equí la versión dixital del Tesoru del Rei Aurelio, una actividá que La Casona del Bravial en Blimea acoyó durante 2019 . La conceyala en funciones d'Educación y Cultura,
María Alonso García y el Presidente de l'Asociación Bicentenariu de
Samartín del Rei Aurelio , Martín Ardines, presentaron esta iniciativa
qu'entamó coincidiendo col quintu aniversariu de l'asociación, que tuvo
llugar el 2 de xunu de 2014 pa conmemorar les dos feches en que'l
conceyu segregóse de Llangréu en 1820 y 1837.
Trátase d'una animación
pa tolos públicos, similar a les sales d'escape o populares scape room,
na que distintes pistes lleven a los participantes por distintes
etapes hestóriques del conceyu y tien a la llingua asturiana como idioma
nel que se desenvuelve la trama.
L'Asociación Bicentenariu de
Samartín del Rei Aurelio vien entamando dende va cinco años distintes
actividaes nes que se busca la participación activa de ciudadanos,
investigadores, entidaes ya instituciones para promover la investigación
en distintos campos académicos sobre Samartín del Rei Aurelio y
l'espardimientu de les iniciatives creatives, d'emprendimientu o
d'investigación de vecinos o orixinarios de Samartín del Rei Aurelio.
Nesta
ocasión trátase de dar a conocer la hestoria del conceyu y normalizar
l'usu del asturianu nuna actividá lúdica que se desendolcó'l
vienres 21 y sábadu 22 de xunu , con dos pases , a les 18:00 y 20:00
hores. Desarrollóse en grupos de 9 persones y los interesaos inscribíense gratuitamente na Casa de la Mocedá de Sotrondio,
dándose les places por rigorosu orde d'inscripción.
La trama
desenvuélvese na sala privada d'un coleccionista onde falta la pieza más
preciada, la Cruz d'Aquisgrán , que'l mesmu Carlomagno regalara al Rei
Aurelio y qu'hasta la so desapaición mientres les guerres carlistes,
formaba parte del cayáu de mandu de los alcaldes de Samartín del Rei
Aurelio, realizáu con vara d'ablanar y que recibió'l primer alcalde
cuando se constituyó'l conceyu en 1837 . Una cruz que foi robada y que
los participantes na actividá tendrán d'atopar... o non.
El xuegu entama cola película na que D. Antonio explica detalles de la hestoria.
Realizador: Faustino Rodríguez Pérez,
D. Antonio (Toñín el de la Roxa):Nacho Fernández Martínez
Idea orixinal de : Xose Ramón Martín Ardines