El cayáu de mandu

Durante la guerra de la Independencia española d'entamos del sieglu XIX, les tropes franceses quemen y destruyen la casa de la familia García Bernaldo, como represalia a la muerte d'unu de los sos soldaos. Poco dempués tres el pronunciamientu de Riego en 1820, al amparu de les disposiciones rellatives a conceyos conteníes na Constitución de Cádiz de 1812, los pueblos de Samartín piden y obtienen del gobiernu de la Nación la so independencia del conceyu de Llangréu, pasando a constituyise n'Ayuntamientu. D'otra miente, la reaición absolutista de 1823 reintégralu de vuelta al conceyu al que secularmente tuviera xuníu hasta que, gracies al apoyu de les tropes lliberales a la reina Isabel II, afítase como conceyu independiente, con capital na localidá de Sotrondio. Durante les guerres carlistes dalgunes partíes asaltaron delles cases y la Casa Conceyu, nesi intre desapareció por primer vegada la Cruz d'Aquisgrán , al separtala de la Vara d'Alcalde o Cayáu de mandu.